Die vrou in die vuur

Descripción

Die vrou in die vuur is 'n keur uit die kortverhale van Riana Scheepers, saamgestel deur Adriaan Meyer. Scheepers se skryfwerk word gekenmerk deur haar liefde vir die kortverhaal, ruimtelike plasing in die landskap van Suid-Afrika en Europa, en uitdagende taalgebruik wat wissel van joernalistieke tot poëtiese style. Tematies verrig sy baanbrekerswerk deur die leefwêreld van die swart en gemarginaliseerde vrou uit te beeld, en keer temas soos die kind, katfigure, die natuur, en magiese wisselwerking van siele gereeld terug. Die versameling toon ook haar vermenging van feit en fiksie, wat dikwels kontroversie ontketen het.